රජය විසින් සම්මතකර ගන්නා ලද අතුරුදහන් වුවන් පිළිබද පනත “මල් මල් චිත්තෙකින් වහපු බෝම්බයක්” බව මහාචාර්ය ඉදුරාගාරේ ධම්මරතන හිමි පවසනවා. මාධ්‍යවේදී චතුර පමුනුව විසින් රචිත “බොදු මග අවුරන අදමිටු බල” කෘතිය දොරට වැඩීමේ අවස්ථාවට පසුගිය 7 වනදා සහබාගී වෙමින් උන්වහන්සේ මෙම අදහස් පළකර සිටියා.
මෙම පනත පිලිබදව සත්‍ය තොරතුරු වසන් කිරීමට රජය කටයුතු කරමින් සිටින බවට චෝදනා කර සිටි ධම්මරතන හිමි, පනතේ සදහන් – වගන්තිය තුලින් ඕනෑම අවස්ථාවක විදේශීය හමුදාවකට මෙරටට පැමිණීමට නීතිමය අවසරයක් ලබා දී ඇති බව සදහන් කර සිටියා.
පනත පිලිබදව විස්තර දැනගැනීම සදහා ජනාධිපති ලේකම් කාර්යාලයට තමන් වහන්සේ ගිය බවත් ලිපි කිහිපයක් හුවමාරු වීමෙන් පසුව එම පනත ලබා දීමට ජනාධිපති ලේකම්වරයා අපොහොසත් වූ බවත් මෙහිදී උන්වහන්සේ සදහන් කර සිටියා. ජනතාවගෙන් සත්‍ය වසන් කර රට අරාජික කිරීම සදහා “එක්සත් ජාතික නිදහස් පක්ෂය” පියවර ගනිමින් සිටින බව අවධාරණය කල ධම්මරතන හිමි, ජනතා නියෝජිතයින් ජනතාව බලාපොරොත්තු වනදේ සිදු නොකරනවානම් “බලය” ජනතාව අතට ගත යුතු බව ප්‍රකාශ කර සිටියා.