ශ්‍රී ලංකා ගුවන් හමුදාවේ නව ගුවන් හමුදාපති ලෙස එයාර් මාෂල් කපිල ජයම්පති පත්කර තිබේ. එයාර් වයිස් මාෂල් තනතුරේ කටයුතු කළ ඔහු එයාර් මාෂල් තනතුර දක්වා උසස්කර ඇති බව දැනගන්නට ලැබේ. ඒ අනුව එයාර් මාෂල් කපිල ජයම්පති මහතා ශ්‍රී ලංකා ගුවන් හමුදාවේ 16 වන ගුවන් හමුදා පතිවරයා වේ. මෙතෙක් ගුවන් හමුදාපති ලෙස කටයුතු කළ එයාර් මාෂල් ගගන් බුලත්සිංහල හමුදා සේවයෙන් විශ්‍රාම යන බවත් දැනගන්නට ලැබේ.
වසර 36ක හමුදා දිවියේදී වීර වික්‍රම විභූෂණ, රණ වික්‍රම පදක්කම, රණ සේවා පදක්කම යන හමුදා ක්ෂේත්‍රයේ ඉහළම පදක්කම් හිමිකර ගැනීමට සමත්ව තිබෙනවා. ඔහු කොළඹ නාලන්ද විදුහලේ ආදි ශිෂ්‍යයෙකු වෙයි.
හිටපු ගුවන් හමුදාපති ගගන් බුලත්සිංහල මහතාද කොළඹ නාලන්දා විදුහලේ ආදි ශිෂ්‍යයෙකු වෙයි.