දිවයිනේ විවිධ ප්‍රදේශවල දී සිදු කරන ලද අපරාධ සම්බන්ධයෙන් වරෙන්තු 31 ක් ලැබ සිටි සැකකරුවකු වත්තල ප්‍රදේශයේ දී අත්අඩංගුවට ගෙන තිබේ.
මෙම සැකකරු කිසියම් අපරාධයක් සිදු කිරීම සඳහා යතුරුපැදියකින් වත්තල ප්‍රදේශයට පැමිණ සිටියදී සැකපිට අත්අඩංගුවට ගෙන ප්‍රශ්න කිරීමේදී මෙම සියලු තොරතුරු අනාවරණය කරගෙන ඇත.
රන්මාල කැඩීම යතුරුපැදි සොරා ගැනීම, දුරකථන සොරා ගැනීම, නිවාස බිඳීම, වෙළදහල් බිදීම සම්බන්ධයෙන් මෙම සැකකරුට එරෙහිව වරෙන්තු නිකුත් වී ඇති බවද පොලිසිය කියයි.
සැකකරු තිහාරිය ප්‍රදේශයේ පදිංචි (41) හැවිරිදි පුද්ගලයෙකි.