මුජිබර් රහුමාන් ඉල්ලා අස්වීමෙන් පසු පුරප්පාඩු වූ පාර්ලිමේන්තු මන්ත්‍රී ධූරය සඳහා ඒ.එච්.එම්. ෆවුසි ගේ නම ගැසට් කර තිබේ.
මෙවර පළාත් පාලන මැතිවරණය සඳහා කොළඹ පුරපති ධූරයට තරග කිරීම සඳහා සමගි ජන බලවේගයේ මුජිබර් රහුමාන් පාර්ලිමේන්තු මන්ත්‍රී ධූරයෙන් ජන. 20 වන දා ඉල්ලා අස්විය.
ඉකුත් මහ මැතිවරණයේදී සමගි ජන බලවේගයට කොළඹ දිස්ත්‍රික්කයෙන් ආසන 6ක් හිමි කර ගත් ෆවුසි මහතාට මනාප 48,701ක් හිමි වී තිබිණි.
ඒ අනුව, ඔහු මනාප ලැයිස්තුවේ 7වන ස්ථානයේ පසු විය.
කොළඹ හිටපු නගරාධිපතිරයෙකු ද වන ඒ.එච්.එම්. ෆවුසි මහතා මේ වන විට 85 වියෙහි පසු වේ.
අදාළ ගැසට් පත්‍රය පහතින් දැක්වේ.