මිනුවන්ගොඩ පොලිස් වසමේ යාගොඩමුල්ල, කොටුගොඩ ප්‍රදේශයේදී නිවසේ සිටි කාන්තාවක පිළිස්සුම් තුවාල ලබා මියගොස් සිටියදී පොලිසිය සොයා ගෙන තිබේ.
පොලිසිය සඳහන් කරන්නේ, ඊයේ (17) දින රාත්‍රී කාලයේදී නිවසක් ගිනි ගන්නා බවට ලැබුණු පණිවිඩයක් මත එම ස්ථානයට ගිය පොලිසිය ගින්න මැඩ පවත්වා නිවස පරීක්ෂා කිරීමේදී අදාළ කාන්තාවගේ මළ සිරුර සොයා ගෙන ඇති බව ය.
මරණකාරිය වයස අවුරුදු 65ක් වන යාගොඩමුල්ල, කොටුගොඩ ප්‍රදේශයේ පදිංචිකාරියකි.
මෘත ශරීරය පොලිස් ආරක්ෂාව යටතේ සිද්ධිය වූ ස්ථානයේ ම තබා ඇත.
මරණකාරිය එම නිවසේ තනිව පදිංචිව සිට ඇති අතර මෙය මනුෂ්‍ය ඝාතනයක් ද යන්න පිළිබඳව මිනුවන්ගොඩ පොලිසිය වැඩිදුර විමර්ශන සිදු කරයි.