සටන් විරාම ගිවිසුම යටතේ ඊශ්‍රායලය සහ හමාස් සටන්කාමීන් භාරයේ සිටින තවත් රැඳවියන් කිහිප දෙනෙකු මුදාහැර තිබේ.
ඊයේ (29) රාත්‍රියේ ඊශ්‍රායල අත්අඩංගුවේ පසු වූ පලස්තීන ජාතිකයන් 30 දෙනෙකු මුදාහැර ඇති බව විදෙස් මාද්‍ය වාර්තා කරයි.
නිදහස් කළ පිරිස අතර කාන්තා රැඳවියන් ද වන බව සඳහන් වෙයි.
මේ අතර, හමාස් සංවිධානය විසින් ද සිය භාරයේ සිටි තවත් ප්‍රාණ ඇපකරුවන් 10 දෙනෙකු මුදාහැර තිබේ.
මේ අතර, ඊශ්‍රායලය සහ හමාස් සංවිධානය අතර සටන් විරාම ගිවිසුම අදින් අවසන් වන අතර, එය තවදුරටත් දීර්ඝ කරගැනීම සඳහා මේ වන විට ජාත්‍යන්තර මැදිහත්කරුවන් කටයුතු කරමින් සිටින බව වාර්තා වේ.