මෝටර් රථ අනතුරකින් වයස අවුරුද්දක දරුවෙකු තුවාල ලබා මියයාමේ සිද්ධියක් සම්බන්ධයෙන් නාගරික සංවර්ධන අමාත්‍යාංශයේ අධ්‍යක්ෂවරයෙකු අත්අඩංගුවට ගත් බව කොහුවල පොලිසිය පවසයි.
සැකකරු පැදවූ මෝටර්රථය කලුබෝවිල රෝහල පාරෙදි ත්‍රීරෝද රථයක ගැටීමෙන්, එ ත්‍රිරෝද රථයේ ගමන් ගත් මවක් සහ ඇගේ දරුවා තුවාල ලබා කළුබෝවිල රෝහලට ඇතුළත් කර තිබුණි.
රෝහලේ ප්‍රතිකාර ලබමින් සිටී දරුවා මියගොස් ඇති අතර මව ප්‍රතිකාර ලබමින් පසුවන බව පොලිසිය පවසයි.
සැකකාර අධ්‍යක්ෂවරයා අවුරුදු 57කට වැඩි පුද්ගලයෙකු වන අතර ඔහු අද (5)දින අධිකරණයට ඉදිරිපත් කිරීමට නියමිතව ඇති බව පොලිසිය කියයි.