පාපන්දු ක්‍රීඩා කරමින් සිටි ක්‍රීඩකයෙකු ඊයෙ(26) රාත්‍රීයේ හදිසියේ ඇදවැටී මියගොස් ඇති බව පානදුර උතුර පොලිසිය පවසයි.
මෙසේ මියගොස් ඇත්තේ පානදුර හොරේතුඩුව ශ්‍රීමතී පාර ප්‍රදේශයේ පදිංචිව මොහොමඩ් ෆිර්දව්ස් නැමැති 41හැවිරිදි තිදරු පියෙක් බව පොලිසිය සඳහන් කරයි.
පානදුර උතුර කෙසෙල්වත්ත ප්‍රදේශයේ ගාලුපාරේ පිහිටි ගෘහස්ථ ක්‍රීඩාගාරයක ක්‍රීඩා කරමින් සිටී පුද්ගලයා හදිසියේ අසනීපව ඇදවැටී පානදුර මූලික රෝහලට ඇතුලත් කර ඇති අතර රෝහල් ගත කිරීමේදී මියගොස් ඇති බව වාර්තා වේ.
මෘතදේහය පශ්චාත් මරණ පරීක්ෂණය සදහා පානදුර මූලික රෝහලේ තැන්පත් කර තිබේ.
පානදුර උතුර පොලිසිය පරීක්ෂණ පවත්වයි.