බුද්ධි අංශවල හෙළිදරව් කිරීම් අනුව ආරක්ෂක හේතුන් මත රටින් බැහැර කරන ලද බෙදුම්වාදයට උඩගෙඩි දුන් රාජ්‍ය නොවන සංවිධාන රාජ්‍ය අනුග්‍රහය යටතේ නැවතත් ක්‍රියාත්මක වී ඇති බවත්, එහි ප්‍රතිඵලයක් ලෙස විග්නේෂ්වරන්, ද්‍රවිඩ සන්ධානයේ කොටස් සහ, කොටි හිතවාදී ඒජයන්තයන් විසින් උතුරේ නව ඊළාම්වාදයක් ගොඩනගමින් පවතින බවත් බොදු බල සේනා මහලේකම් පූජ්‍ය ගලගොඩඅත්තේ ඥාණසාර හිමියන් පවසයි.
උන්වහන්සේ මේ බව පැවසූයේ ඊයේ (26) බොදුබල සේනා මූලස්ථානයේ පැවති මාධ්‍ය හමුවක් අමතමිනි.
මෙරට ඉතිහාසය විකෘති කරමින් ව්‍යාජ ඊළාම් නිජබිම් සංකල්පය හරහා වෙනම රාජ්‍යයකට අර අදින උතුරු පළාත් මහ ඇමතිවරයා ප්‍රමුඛ බෙදුම්වාදී පාර්ශව රටේ නීතිය හා ව්‍යවස්ථාව උල්ලංඝනය කරමින් රිසි සේ කටයුතු කරද්දී තම රජය යටතේ සැමට නීතිය සමානව ක්‍රියාත්ම කරන බවට පාරම්බාන ඇගමැතිවරයා, අගමැතිවරයා සහ නීතිය ක්‍රියාත්මක කරන ආයතන නිහඩව සිටින්නේ මන්දැයි උන්වහන්සේ විමසූහ.