ජනතාවට සහන දෙනවා වැඩි නේදැයි විපක්ෂයෙන් අසන බව නියෝජ්‍ය ඇමති රුවන් සෙනරත් මහතා සඳහන් කරයි.
ඉදිරි වසර සඳහා ඉදිරිපත් කරන අයවැය පෙබරවාරි මාසය ඉදිරිපත් කිරීමෙන් පසු ජනතාවට සහන රැසක් දෙන බවත් ඒ මහතා කියා සිටී.
නව ආණ්ඩුව පත් වී ගතවන්නේ ඉතා කෙටි කාලයක් නිසා තවත් සාධාරන කාලයක් ලබාදෙන ලෙස ඉල්ලා සිටින බවද ඒ මහතා කියා සිටියේය.
රන්න ප්‍රදේශයේදී මාධ්‍ය අමතමින් ඔහු මේ අදහස් පළ කළේය.
පවතින සහල් අර්බුදයට දැනටමත් විසඳුම් සකසා ඇතැයි ද පැවසූ ඔහු ජනතාව බඩගින්නේ සිටීදී සහල් සඟවාගෙන සිටින්නේ නම් එය අසාධාරණ බවද කියා සිටියේය.
සහල් නිෂ්පාදකයාටත් ඇති ගැටලු සම්බන්ධයෙන්ද රජය අවධානය යොමු කර ඇති බවත් ඔවුන් සියලු දෙනාටම අසාධාරණයක් නොවන පාරිභෝගියාටත් සාධාරණයක් වන විසදුමක් රජය ලබා දී ඇති බවත් ඒ මහතා තව දුරටත් පැවසුවේය.