අද වන විට රට තුළ පොල් සහ සහල් හිඟයක් ඇතිවී තිබෙන බව වැවිලි කර්මාන්ත අමාත්‍ය සමන්ත විද්‍යාරත්න මහතා සඳහන් කරයි.
සහල් හිගය මගහරවා ගැනීම සඳහා මේ වන විට ඉන්දියාවෙන් සහල් ආනයනය කරමින් ඇති බවත් පවසන අමාත්‍යවරයා පොල් ආනයනය කිරීමේ හැකියාවක් නැති බවද කියා සිටියි.
පොල් හිගය ඇති වීමට පසුගිය වසර පහක කාලයේදී පොල් වගාව නිසි ලෙස නඩත්තු නොකිරීමත් එම කාලයේදී බලපෑ පොහොර හිඟයත් බලපා ඇතැයිද ඔහු කියා සිටියේය.
නමුත් රජයේ පොල් වතුවල පොල් සතොස ජාලය හරහා මහන මිලට බෙදා හරින බවත් ඇමතිවරයා පෙන්වා දෙයි.
ඉදිරියේදී පොල් වගාව සංවර්ධනය කිරීමට තම රජය යටතේ බලාපොරොත්තු වන බවත් අමාත්‍යවරයා කියා සිටී.