අලුතින් සහල් තොග ලැබීම තවදුරටත් ඉතා අවම මට්ටමක පවතින බව මරදගහමුල සහල් නිෂ්පාදන සංගමයේ සභාපති බී.කේ.රංජිත් මහතා පැවසීය.
වර්තමානයේ අලවි වනුයේ මීට පෙර ලැබී තිබූ සහල් තොග බවත් රජයේ පාලන මිලට දැන් සහල් අලවි කිරීමට සිදුව ඇති බැවින් වියාපාරිකයන් පාඩු ලබමින් සිටින බවත් ඔහු කියා සිටී.
තවත් දින කිහිපයකින් සුළු හා මධ්‍යම පරිමාණ මෝල් හිමියන් සතු වී සංචිත අවසන් වීමට නියමිතය අතර ඒ හේතුවෙන් වෙළඳ පොළේ යලි සහල් අර්බුදයක් මතුවීමේ අවධානමක් පවතින බවත් හෙතෙම පැවසීය.
ඒ අනුව ඉදිරියේදී සුදු කැකුළු,නාඩු සහ සම්බා සහල් හිඟයක් ඇතිවිය හැකි අතර සුදු කැකුළු වල හිඟයක් මේ වනවිටත් පවතින බව වැඩිදුරටත් පැවසීය.