පාස්කු ඉරිදා බෝම්බ ප්‍රහාරය සම්බන්ධයෙන් විමර්ශනය සිදු කරන ලද ඉමාම් කමිටු වාර්තාව හිටපු පාර්ලිමේන්තු මන්ත‍්‍රී උදය ගම්මන්පිල මහතා අද හෙළිදරව් කළේය.
ඒ පිවිතුරු හෙළ උරුමයේ පක්ෂ මූලස්ථානය පැවැති විශේෂ මාධ්‍ය හමුවකදීය.
බ‍්‍රිතාන්‍යයේ ‘චැනල් 4’ නාලිකාව විසින් පාස්කු ප්‍රහාරය පිළිබඳව එල්ල කරන ලද චෝදනා පිළිබඳව පරීක්ෂා කිරීමට හිටපු විනිසුරු අයි.එස්. ඉමාම් මහතාගේ ප්‍රධානත්වයෙන් මෙම කමිටුව පත්කර තිබිණ.
එම වාර්තාවේ හෙලිවන කරුණු අනුව හා චැනල් ෆෝ නාලිකාවේ වීඩියෝවේ ශරීර භාශාව අනුව මුහුණු වසාගෙන කටහඬ වෙනම් කරමින් කරුණු හෙළිදරව් කරන ලද එකල විශ්‍රාමික රාජ්‍ය නිලධාරියකු බව කිවූ පුද්ගලයාට අද නව රජයේ ඉහළ තනතුරක් දී ඇතැයි සමාජය තුල ප්‍රබල සාකච්ඡාවක් මතුව තිබෙන බවද ඔහු කියා සිටියේය.
අදාළ පුද්ගලයා චැනල් 4 නාලිකාව හමුවේ බුද්ධි අංශ දරුණු ලෙස පාවාදීමකට ලක්ව ඇති බවද ඔහු පැවසුවේය.
ඒ අනුව එම පුද්ගලයා කවුදැයි හදුනා ගැනීමට විශේෂ විමර්ෂණ කමිටුවක් පත් කරන ලෙස ජනාධිපතිගෙන් ඉල්ලා සිටින බවත් ඒ මහතා සදහන් කලේය.
වත්මන් ආණ්ඩුව මෙම වාර්තාව එළිදක් එළිදක්වුවේ නැත්තේ ජාතික ජන බලවේගයට සහාය දුන් අදාළ විශ්‍රාමික නිලධාරියා සම්බන්ධයෙන් හෙළිදරවු වන නිසා බවත් ඔහුට ආණ්ඩුවේ තනතුරක් ලබාදීම සම්බන්ධයෙන් චෝදනා එල්ල වනු ඇති බවත් හෙතෙම තවදුරටත් එහිදී කියා සිටියේය.