Colombo Today Local NewsUncategorized

ජලාශ කිහිපයක වාන් දොටු අරී

අධික වර්ෂාවත් සමග ජලාශ කිහිපයක වාන් දොටු විවෘත කර තිබේ.

මහනුවර හා තදාසන්න ප්‍රදේශ ආශ්‍රිතව ඇඳහැළුණු වර්ෂාව නිසා මහවැලි ගඟේ ජල මට්ටම ඉහළ ගොස් තිබේ.

වාරි ඉංජිනේරුවරුන් පවසන්නේ, ඒ හේතුවෙන් පොල්ගොල්ල වේලලේ වාං දොරටු තුනත් විවෘත කර ඇති බවත් පොල්ගොල්ල වේල්ලේ පහළ ජනතාවට අවධානයෙන් සිටිය යුතු බවයි.

මධ්‍යම කඳුකරයට තවදුරටත් තද වැස ඇද හැලීම හේතුවෙන්, ඉහල කොත්මලේ ජලාශයේ වාන් දොරටුවක් විවෘත කර තිබේ.

ඉහල කොත්මලේ ජල පෝෂක ප්‍රදේශවලට තද වැසි ලැබිමත් සමග සෙන් ක්ලෙයාර් සහ ඩෙවොන් දිය ඇලිවල ඇද හැලෙන ජල ධාරිතාව ද ඉහළ ගොස් තිබේ.

මේ අතර දිවයින ආශ්‍රිතව පහළ වායුගෝලයේ පවතින කැළඹිලි තත්ත්වය තව දුරටත් පැවතිය හැකි බව කාලගුණ විද්‍යා දෙපාර්තමේන්තුව පවසයි.

එම දෙපාර්තමේන්තුව පැවසුවේ, බස්නාහිර, සබරගමුව, මධ්‍යම, වයඹ සහ උතුරු පළාත්වලත් ගාල්ල, මාතර සහ ත්‍රිකුණාමලය දිස්ත්‍රික්කවලත් මිලිමීටර් 75 ට වැඩි තරමක තද වැසි ඇති විය හැකි බවයි.

මේ අතර අධික වර්ෂාවත් සමග දිස්ත්‍රික්ක 5 කට නිකුත් කළ නායයෑමේ අනතුරු ඇගවීමේ නිවේදනය ද අද (2)රාත්‍රිය දක්වා ක්‍රියාත්මක වේ.

ජාතික ගොඩනැගිලි පර්යේෂණ සංවිධානය ප්‍රකාශ කලේ ගාල්ල , කළුතර, මහනුවර, කෑගල්ල, සහ රත්නපුර දිස්ත්‍රික්කවල ප්‍රාදේශිය ලේකම් කොට්ඨාශ කිහිපයකට මෙම නායයෑමේ අනතුරු ඇගවීම් නිකුත් කළ බවයි.

Related posts

ඇඳිරි නීතිය කඩ කළ 51ක් අත්අඩංගුවේ

colombotoday

අගමැතිත් බැඳුම්කර කොමිසමට…! කැදවිමටත් පෙර යන්න තීරණය කරයි

colombotoday

අඹතලේ ජල පවිත්‍රාගාරයේ විදුලි සැපයුම් ඇනහිටී

colombotoday

14 වනදා මැදියම් රැයේ සිට සමාජ මාධ්‍ය අවහිර කිරීමේ සූදානමක් !

colombotoday

විද්‍යා පීඨ සිසුන්ගේ ආහාර දීමනාව වැඩිවේ

Admin

බ්‍රිගේඩියර් ප්‍රියංකර ප්‍රනාන්දු අත්අඩංගුවට ගැනීමට වරෙන්තු නිකුත් කරයි

colombotoday