ශීත කළ සුදු පොල් මද ආනයනය කිරීමට අවසර ලබා දී තිබේ.
පොල් සංවර්ධන අධිකාරියේ අධ්‍යක්ෂ පී. එදිරිමාන්න මහතා සඳහන් කළේ, දිවයිනේ පවතින පොල් හිඟය හේතුවෙන් ඒ ආශ්‍රිත කර්මාන්තකරුවන් මුහුණ දී ඇති ගැටලු අවම කර ගැනීම සඳහා මෙම පියවර ගත් බවය.
ඉන්දියාව, පිලිපීනය හා වියට්නාමය යන රටවලින් එම ශීත කළ සුදු පොල් මද ආනයනය කරන බව ඔහු සඳහන් කළේ ය.
පසුගිය වසරේ පැවති අයහපත් කාලගුණ තත්ත්වය හේතුවෙන් පොල් ඵලදාව අඩුවීමත් සමග මේ වනවිට රට තුළ පොල් හිඟයක් මතු වී තිබේ.
ඒ අනුව පොල් ගෙඩියක මිල රුපියල් 70 සිට 100 දක්වා ඉහළ ගොස් ඇතැයි වෙළෙඳපොළ වාර්තා පවසයි.