වනාන්තර විනාශ කරන්නේදැයි පරීක්ෂා කිරීම සහ ස්වාභාවික සම්පත් මඟින් සිදුකරන ජාවාරම් මැඩලීම ඇතුළු පරිසරය ආරක්ෂා කර ගැනීමේ කටයුතු සඳහා ආණ්ඩුව පළමුවරට ත්රිවිධ හමුදාව යොදවා ඇතැයි ජනාධිපති මෛත‍්‍රීපාල සිරිසේන මහතා පවසයි.
ජනාධිපතිවරයා මෙසේ පැවසුවේ ඊයේ (28) බත්තරමුල්ලේදී පැවති ප‍්‍රාදේශිය පරිසර නිලධාරින්ගේ සංගමයේ 17 වැනි මහ සමුළුව අමතමිනි.
පරිසරය රැකීම සම්බන්ධ තනතුරු දරන නිලධාරින්ට උසස්වීම් දීමේදී ඔවුන් පරිසරය විනාශ කරන්නන්ට විරුද්ධ ව කොපමණ නඩු ප්රමාණයක් පවරා තිබේ දැයි පරික්ෂා කර බැලිය යුතු බව ද ජනාධිපතිවරයා පැවසීය. පරිසරය රකින නිලධාරින් වෙනුවෙන් තමා පෙනී සිටින බව ද ජනාධිපතිවරයා කී ය.
කැලෑ පාළුවන්ට බැට දෙනවානම් පටන්ගත යුත්තේ ආණ්ඩුවේ අභ්‍යන්තරයෙනි. විල්පත්තු මහා වනය දෙපළු කළ මහා කැලෑ පාළුවා, රිෂාඩ් බදුර්දීන් ඉන්නේ ආණ්ඩුවේමය. ආණ්ඩුවේ කැබිනට්ටුවේද ප්‍රබල ඇමතිකමක් දරමින් ඔහු තවමත් නිරුපද්‍රිතව වනසංහාරයේ යෙදෙත්දී වනපාලුවන් මඩින්නට ත්රිවිධ හමුදාව කැදවනවායැයි ආණ්ඩුවේ ප්‍රධානියා වන ජනාධිපතිවරයා පුරසාරම් දෙඩීමෙන් පලක් වෙයිද?