බදුල්ල දෙමළ බාළිකා මහා විද්‍යාලයේ විදුහල්පතිනි භවානි රඝුනාදන් මහත්මිය දණ ගැස්සූ බවට චෝදනා ලබා සිටි ඌව හිටපු ප්‍රධාන ඇමති වත්මන් පාර්ලිමේන්තු මන්ත්‍රී චාමර සම්පත් දසනායක නිදොස් කොට නිදහස් කරන්නැයි බදුල්ල මහේස්ත්‍රාත් චමින්ද කරුණාදාස මහතා අද(15)දින නියම කර තිබේ.
සමාථ මණඩලයේදි ඇති වී තිබෙන සමථය අනුව චූදිත මන්ත්‍රීවරයා නිදොස් කොට නිදහස් කරන බව මහේස්ත්‍රාත්වරයා දන්වා සිටි.
බදුල්ල දෙමළ බාළිකා මහා විද්‍යාලයේ විදුහල්පතිනි භවානි රඝුනාදන් මහත්මිය ගේ පැමිනිල්ලක් මත මෙම නඩුව පවරා තිබිණ.
නීතිපති උපදෙස් මත මෙම නඩුව සමථමණ්ඩලයට යොමුකිරීමට මහේස්ත්‍රාත්වරයා ඉකුත් දා නියෝග කළේය.
ඒ අනුව බදුල්ල සමථ මණ්ඩලය කැදවූ අවස්ථාවේ දෙපාර්ශවයේ එකගතාව මත සමථයකට පත්ව ඇත.
භවානි රඝුනාදන් මහත්මිය අධිකරයට පැමිණ සිට නැත.