Colombo Today Local News

රන් බඩු කොල්ල කෑමේ ජාවාරමක නිරත වූ හිටපු යුද හමුදා ලුතිනන් කර්නල්වරයකු අත්අඩංගුවට

යතුරු පැදියක යමින් මහමග ගමන් ගන්නා කාන්තාවන්ගේ ගෙල බැඳි රන් මාල කොල්ල කෑමේ ජාවාරමක නිරත වූ හිටපු යුධ හමුදා ලුතිනන් කර්නල්වරයකු අත්අඩංගුවට ගත් බව අතුරුගිරිය පොලීසිය පවසයි.

මෙසේ අත්අඩංගුවට ගෙන ඇත්තේ අතුරුගිරිය මාලබේ ප්‍රදේශයේ පදිංචි 28 හැවිරිදි එක්දරු පියෙකි

මෙම පුද්ගලයා මීට වසර කිහිපයකට පෙර ලූතිනන් කර්නල්වරයෙකු ලෙස යුද හමුදාවේ සේවයට බැඳී ඇති අතර පසුව ඔහුගේ පියා මැදිහත් වී නීත්‍යානුකූලව සේවයෙන් ඉවත් කරවා ගෙන ඇතැයිද පොලිසිය පවසයි .

පසුව සැකකරු සිය යතුරු පැදිය භාවිතා කරමින් හුදකලා මාර්ගවල ගමන් ගන්නා කාන්තාවන්ගේ ගෙල බැඳි රන් මාල කොල්ලකෑමේ ජාවාරමක නිරතව ඇතැයිද පොලිසිය පවසයි.

එසේ කොල්ල කන රන් භාණ්ඩ අතුරුගිරිය මහරගම හෝමාගම නුගේගොඩ ඇතුළු ප්‍රදේශවල රන් භාණ්ඩ අලෙවි මධ්‍යස්ථානවලට උකස් කර ඉන් උපයා ගන්නා මුදලින් සුඛෝපභෝගී ජීවිතයක් ගත කර ඇතැයිද පැවසේ.

සැකකරු අත්අඩංගුවට ගැනීමෙන් පසුව සිදුකරන ලද ප්‍රශ්න කිරීම් වලදී උකස්කර ලද රුපියල් ලක්ෂ හැටකට ආසන්න වටිනාකමින් යුත් රන් භාණ්ඩ තොගයක් සොයා ගත් බව පොලිසිය පවසයි.

කොල්ලකෑම සඳහා භාවිතා කළ තුරු පැදිය ද පොලිස් බාරයට ගෙන ඇත.

සැකකරු කඩුවෙල අධිකරණයට ඉදිරිපත් කිරීමට නියමිතය.

Related posts

‘රටේ අර්බුද දේශපාලකයන්ගේ බිස්නස් එකක් වෙලා… හොරාට කලින් කෙහෙල්කැන වැට පැන්නා’

Admin

රනිල් ගෙදර ගියේ ජනතාවට යන එනමන් නැති කරලා

Admin

හම්බන්තොට වරාය චීනයට දෙන ගිවිසුමට කැබිනට් අනුමැතිය ලැබේ !

colombotoday

ජනපති සිරිසේනගේ පාලනය යටතේ සිදුකල පාපයෙන් මිදීමටනම් ඥානසාර හිමි නිදහස් කල යුතුමයි

colombotoday

හිටපු ජනපති නුදුරු දිනකදී ලංකාවට

colombotoday

“චැනල් 4 වීඩියෝව ඇත්තක්” මංගල සමරවීර ශ්‍රී ලංකා හමුදාව යලිත් පාවා දෙයි

colombotoday