එක්සත් ජාතික පක්ෂයේ ඉහළම පෙලේ තනතුරු කිහිපයක වෙනසක් සිදුකිරීමට සූදානම් වන බව එජාප ආරංචිමාර්ග සදහන් කරයි.
ඒ අනුව එජාපයේ මහ ලේකම් ධූරය ඇතුළු තනතුරු කිහිපයක් ඉක්මනින්ම වෙනස් වනු ඇති බවත්, දෙවනපෙළ නායකයන්ට වැඩි වගකීම් පැවරෙනු ඇති බවත් එම ආරංචිමාර්ග සදහන් කරයි. එජාපයේ මහ ලේකම් ධූරය දෙවන පෙළ නායකත්වයට පැවරෙන අතර ඊට අධ්‍යාපන ඇමති අකිල විරාජ් කාරියවසම්ගේ නම යෝජනා වී ඇත.
ඊට අමතර පක්ෂයේ වෘතිතීය සමිති කටයුතුද කාරියවසම් මහතාට පැවරෙනු ඇති අතර රුවන් විජේවර්ධන මහතාට සහ හර්ෂ ද සිල්වා මහතාටද පක්ෂයේ වගකිය යුතු තණතුරු හිමිවනු ඇති බව සදහන්.
එජාප ව්‍යවස්ථාවට පිටින් ඇතිකළ නායකත්ව මණ්ඩලය නියෝජ්‍ය නායක, උප නායක යන ධූර අහෝසි කර රනිල් වික්‍රමසිංහ මහතා යළිත් වරක් පක්ෂ නායක යන නමින් නම් වෙනු ඇති බවද ආරංචි මාර්ග සදහන් කරයි.