Colombo Today Local News

මවගේ ඇකයේ සිටියත් ඒඩ්ස් බෝවෙනවායි අධ්‍යාපන ඇමති කළ ප්‍රකාශයට ඒඩ්ස් මර්ධන ව්‍යාපාරයෙන් පිළිතුරු

hju1121එච්.අයි.වී ආසාදිතයෙකු බවට වැරදි ප්‍රචාරයක් හේතුවෙන් අසාධාරණයට ලක්වූ කුලියාපිටියේ දරුවා සම්බන්ධයෙන් අධ්‍යාපන අමාත්‍ය අකිල විරාජ් කාරියවසම් මහතා කළ ප්‍රකාශයක් දැඩි ආන්දෝලනයකට ලක්ව තිබෙනවා.

අධ්‍යාපන අමාත්‍යවරයා මාධ්‍ය හමුවකදී සදහන් කර තිබුණේ අදාල දරුවා මවගෙන් වෙන්කොට පරිවාසභාරයට පත්කිරීම සඳහා අධිකරණ නියෝගයක් ලබාගැනීමට බලාපොරොත්තු වන බවයි. ඇමතිවරයා වැඩිදුරටත් ප‍්‍රකාශ කළේ දරුවාගේ මවට HIV ආසාදනය වී ඇති බැවින් මවගෙන් දරුවාට ද ආසාදනය වීමේ අවදානමක් පවතින බවයි.

දරුවාගේ මවටද එච්.අයි.වී. වෛරසය ආසාධනය වී ඇති බවට නිසි පරීක්ෂණයකින් තොරව අධ්‍යාපන අමාත්‍යවරයා ප්‍රකාශ කිරීම සම්බන්ධයෙන් සමාජ ජාල වෙබ් අඩවිවල සිටින විශාල පිරිසක් සිය අප්‍රසාදය ඊට පළ කර තිබෙනවා.

“අපේ ප්‍රදේශයේ නිසා අපි දන්නවා මව සහ කටයුතු වෙන ආකාරය “යනුවෙන් ද අමාත්‍යවරයා සඳහන් කර තිබුණා. කෙසේ වෙතත් මෙම දරුවාගේ මව ද සඳහන් කර තිබුණේ තමන් එච්.අයි.වී. ආසාදිතයෙකු නොවන බවයි.

එච් අයි වී ආසාදිතයෙකු සම්බන්ධයෙන් වුවත් එලෙස ප්‍රසිද්ධ ප්‍රකාශයක් නිකුත් කිරීමේ අයිතියක් අමාත්‍යවරයෙකුට තබා කිසිම පුද්ගලයෙකුට නැති බවයි සමාජ විශ්ලේෂකයන් ද පවසා ඇත්තේ.

මේ අතර අමාත්‍යවරයාගේ එම ප්‍රකාශය සම්බන්ධයෙන් අදහස් දක්වමින් “ලිංගාශ්‍රිත හා ඒඩ්ස් මර්ධන ව්‍යාපාරය” පවසන්නේ කුලියාපිටියේ දරුවා මවගෙන් වෙන්කර පරිවාස භාරයට පත් කිරීමේ කිසිදු අවශ්‍යතාවයක් නොමැති බවයි. එහි අධ්‍යක්ෂක‍ වෛද්‍ය සිසිර ලියනගේ මහතා සදහන් කරන්නේ මවට එච් අයි වී ආසාධනය වී තිබුණද එමගින් දරුවාට බලපෑමක් ‍නොවන බවයි. යම් හෙයකින් මවට ආසාධනය වී තිබුණද ඖෂධ මගින් එය පාලනය කළ හැකි බවයි වෛද්‍යවරයා වැඩිදුරටත් සදහන් කරන්නේ.

හඩ පටය NethFm

Related posts

තවත් ගෑස් නෞකාවක් මෙරට මුහුදු සීමාවට පැමිණෙයි

colombotoday

උදලු පහරින් 74 හැවිරිදි මවක් මරුට

Admin

ලාංකික ධීවරයින් දෙදෙනෙක් ඉන්දීය අත්අඩංගුවට

colombotoday

“විශ්වාසභංගයට පෙර ඉල්ලා අස්වී එජාප අයෙක් අගමැති කරවන්න” – රනිල්ට ජාත්‍යන්තර බලපෑම්

colombotoday

ඇල්ලේ ගුණවංශ හිමියන් ඝාතන තැතක් !!

colombotoday

බුදු පිළිම වහන්සේ නමක් වැඩමවීමට දෙමල ජාතිකයන් විරුද්ධවූ මුලතිව් පුරාවිද්‍යා රක්ෂිතයට ඇතුළුවීම තහනම් කරයි

colombotoday