වත්මන් රජය දූෂිතයන් අල්ලන්නේ මහින්ද රාජපක්ෂ රජය පුද්ගලයන් අත්අඩංගුවට ගත් ආකාරයට නොවන බව සෞඛ්‍ය ඇමැති රාජිත සේනාරත්න මහතා කියයි.
ජාතික පුවත්පතක් සමග (19) සාකච්ඡාවකට එක්වෙමින් අමාත්‍යවරයා මේ බව පැවසීය.
යහපාලනය යටතේ විරුද්ධවාදීන්ටත් නීතියේ සාධාරණත්වය ලබා දෙන බවද නීතිපති දෙපාර්තමේන්තුව හරහා නිවැරදි අධිකරණ ක්‍රියාවලියකින් පසු දූෂිතයන්ට දඩුවම් ලබා දෙන බවද අමාත්‍යවරයා සදහන් කරයි.
යම් චෝදනාවක් සදහා අඩු තරමින් සාක්ෂිකරුවන් දෙදෙනෙකුවත් නොමැතිනම් නඩු පැවරීම නොකරන ලෙසත් අතරමදී අතහැරදැමිමට හෝ චූදිතයන් නිදහස් වන ආකාරයේ චෝදනාවලට අධිකරණ ක්‍රියාමාර්ග නොගන්නා ලෙසත් අගමැතිවරයා විසින් උපදෙස් දී ඇති බවද රාජිත සේනාරත්න මහතා සදහන් කර ඇත.
ඇවන්ගාඩ් සිද්ධිය සම්බන්ධනේ අදහස් දක්වමින් ඔහු පවසා ඇත්තේ ඇවන්ගාඩ් සමාගම සතු සියල්ල මේ වන විට අහවර වි ඇති බැවින් ඒ පිළිබද කතා කරන්නට දෙයක් ඉතිරිව නැති බවයි. ආණ්ඩුවට මෙන්ම එහි අයිතිකරුවන්ටද ඇවැන්ගාඩ් දැන් අමතක වි ඇති බවද ඇමතිවරයා පවසනවා.