හංගේරියානු විදේශ කටයුතු අමාත්‍යවරයා ප්‍රමුඛ දූත පිරිසක් අද (12) උදෑසන නිල සංචාරයක් සඳහා දිවයිනට පැමිණ තිබුණි.
හංගේරියානු විදේශ කටයුතු අමාත්‍යවරයා ඇතුළු දූත පිරිස පිළිගනු ලැබුවේ කලාපීය සහයෝගීතා රාජ්‍ය අමාත්‍ය තාරක බාලසුරිය මහතා විසිනි.
ඒ, කටුනායක ජාත්‍යන්තර ගුවන් තොටුපොළේ විශේෂ අමුත්තන් පිළිගන්නා පර්යන්තයේදී ය.
එම දූත පිරිසට එරට ව්‍යාපාරිකයින් පිරිසක්ද අයත්ය.
එම දූත පිරිස අද පස්වරුවේ ජනාධිපති ගෝඨාභය රාජපක්ෂ මහතා සහ අග්‍රාමාත්‍ය මහින්ද රාජපක්ෂ මහතා හමුවීමට නියමිතය.
අනතුරුව ඔවුන් විදේශ කටයුතු අමාත්‍ය මහාචාර්ය ජී. එල් පීරිස් මහතා හමුවීමට නියමිත අතර දෙරට අතර ගිවිසුම් කිහිපයකටද එළඹීමට නියමිතව තිබේ.