ජනතාව සෞඛ්‍යාරක්ෂිත උපදෙස් පිළිපඳින්නේ ද යන්න සොයාබැලීම සඳහා පොලීසිය විසින් බස්නාහිර පළාත තුළ විශේෂ මෙහෙයුමයක් සිදුකර තිබේ.
ඊයේ (22) පස්වරු 2.00 සිට පස්වරු 04.00 දක්වා පැය දෙකක කාලයක් තුළ පොලිස් නිලධාරීන් 435 දෙනෙකුගේ සහභාගීත්වයෙන් එම මෙහෙයුම සිදුකළ බව පොලිස් මූලස්ථානය පවසයි.
එහිදී වායු සමනය කළ බස් රථ ඇතුළු මගී ප්‍රවාහන බස්රථ 1,210ක්, සිල්ලර වෙළෙඳසැල්, ඔසුසල් සහ වෙනත් කුඩා වෙළෙඳසැල් 1,366 ක් පරීක්ෂාවට ලක්කර තිබේ.
මෙහිදී සෞඛ්‍ය ආරක්ෂිත උපදෙස් අනුගමනය නොකළ බස්රථ 471ක රියදුරන් සඳහා හා වෙළෙඳසැල් හිමියන් 573 දෙනෙකු සඳහා අවවාද කළ බව වාර්තා වේ.
අද දිනයේත් බස්නාහිර පළාත තුළ එම මෙහෙයුම් සිදුකරන බව පොලිස් මූලස්ථානය සඳහන් කරයි.