Colombo Today Local News

“කොළඹ බල්ලන් දහසය දාහක් විතර ඉන්නවා.. ගවයෝත් දෙදාහකට වැඩියි” – ඇමති චම්පික

champikaදැනට වාර්තාවන සංඛ්‍යාලේඛනවලට අනුව කොළම පාරවල සුනඛයන් දහසය දහසක් පමණ හා ගවයන් දෙදහසක් පමණ සිටින බව මහ නගර හා බස්නාහිර සවංර්ධන අමාත්‍ය පාඨලී චම්පික රණවක මහතා පවසයි.

ෆර්ගියුසන් පාර “මුවදොර උයන” නිවාස සංකීර්ණය ජනතා අයිතියට පත් කිරීමේ අවස්ථාවට එක්වෙමින් ඇමතිවරයා මේ බව පැවසීය.

එහිදි වැඩි දුරටත් අදහස් දැක්වූ අමාත්‍යවරයා ” සුනඛයින් 4000ක් මීතොටමුල්ල කුණු කන්ද ආශ්‍රිතව සිටින බවත්, කොළඹ ආශ්‍රිතව ගවයින් මෙපමණ සංඛ්‍යාවක් ඇතත් කුඹුරු ඉඩම් අගලක්වත් නැතැයිද පෙන්වා දුන්නේය.

පසුගිය කාලය තුළ කොළඹ නගරයේ ජනගහණය වැඩිවීමක් සිදුව නැති බවත්, කොළඹ නගරයේ ජනගහණය වැඩි වී ඇත්තේ පිටතින් පැමිණෙන පිරිස් අවිධිමත් ලෙස පදංචි වීම නිසා බවත්,
විධිමත් නාගරික සැලැස්මක් තුළින් දැනට කොළඹ ඇති වාහන තදබදයට විසඳුමක් ලබාදීමට බලාපො‍රොත්තු වන බවත්, හෙතෙම කීවේය.

එසේම කොළඹ ආශ්‍රිතව හොඳම ක්‍රීඩාංගණ, විශාල ප්‍රමාණයේ ශාලා ඇතුළු අනෙකුත් පහසුකම් ඇති නමුත් පැල්පත්වාසී ජනතාව අතුරින් කිසිවෙකුත් ඉදිරියට පැමිණ නැති බවත්, ඊට හේතුව එම ප්‍රදේශ සමාජයීය වශයෙන් දියුණු වී නැතිවීම බවත්, ඇමතිවරයා පැවසීය.

2030 වන විට මෙරට ජනගහණය මිලියන 30ක් වෙතැයි අපේක්ෂා කරන බවත්, නිවාස ගැටලුව සඳහා විධිමත් නාගරික සැලැස්මක් තුළින් විසඳුම් සෙවිය යුතු බවත්, පැවසූ ඇමතිවරයා පැල්පත්වාසීන් පදිංචිව සිටි ඉඩම් පිටරැටියන්ට විකුණන්නේ නැතැයිද වැඩිදුරටත් කියා සිටියේය.

Related posts

ශ්‍රීලනිප මුලස්ථානයටත් හොරු පැනලා

colombotoday

IMF එකට රටෙන් යන්න කාලය එළැඹීල – හිටපු මුදල් රවී රවී කරුණානායක කියයි

colombotoday

ආරක්ෂක අමාත්‍යාංශය යටතේ ඇති ආයතනවල වගකීම භාරගන්නේ කවුද? මුජුබර් රහුමාන් අසයි.

colombotoday

ඩෙංගු මර්දනයට ප්‍රමුඛත්වය දෙන්නැයි පළාත් පාලන බලධාරීන්ට උපදෙස්

Admin

මැතිවරණයෙන් පසුව නව රජයක්…!! කරූ ජයසුරිය අගමැති ?

colombotoday

අණ්ඩ දැමූ අයවැයේ අවසන් ඡන්ද විමසීම අද

colombotoday