Colombo Today Local News

නව බන්ධනාගාරය ඉදිකිරීමට නියමිත හොරණ, මිල්ලෑව වතු යායට අයත් භූමිය ජනපතිගේ නිරීක්ෂණයට‍

බොරැල්ලේ පිහිටි බන්ධනාගාර සංකීර්ණය රැගෙන යාමට නියමිත යෝජිත හොරණ, මිල්ලෑව වතු යායට අයත් භූමිය ජනාධිපති ගෝඨාභය රාජපක්ෂ මහතාගේ නිරීක්ෂණයට ලක්ව තිබේ.

අධික තදබදය, භාහිරව බලපා ඇති වෙනත් සාධක හේතුවෙන් අබලන්ව ඇති පැරණි බන්ධනාගාර ගොඩනැඟිලි, වෙනත් ස්ථානයකට ගෙන යාමේ අවශ්‍යතාව දීර්ඝ කාලයක සිට පැවතුන බව ජනාධිපති මාධ්‍ය අංශය පෙන්වා දෙයි.

ඒ අනුව නාගරික සංවර්ධන අධිකාරිය සතු හොරණ, මිල්ලෑව වත්තෙන් අක්කර 200ක භූමි ප්‍රමාණයක් නව බන්ධනාගාර සංකීර්ණය ඉදිකිරීමට වෙන්කර ඇත.

බන්ධනාගාර සංකීර්ණය සහ එහි වත්මන් තත්ත්වය වීඩියෝ දර්ශනයකින් ඉදිරිපත් වූ අතර බන්ධනාගාර කළමනාකරණ රාජ්‍ය අමාත්‍ය ලොහාන් රත්වත්තේ මහතා මේ සම්බන්ධයෙන් ජනාධිපතිවරායව දැනුවත් කර තිබේ.

ඒ අනුව එම පරිශ්‍රය තුල වැලිකඩ බන්ධනාගාරය, කොළඹ රිමාන්ඩ් බන්ධනාගාරය, නව මැගසින් බන්ධනාගාරය, බන්ධනාගාර රෝහල, පුහුණු පාසල, බන්ධනාගාර බුද්ධි අංශය සහ ප්‍රජා විශෝධන දෙපාර්තමේන්තුව ඉදිකිරීමට නියමිතය.

කෙසේ වෙතත් “සිපිරි සුවසෙත් උදාන” මිල්ලෑව රැඳවුම් හා විශෝධන මධ්‍යස්ථානය ලෙසින් නම් කර ඇති එම ව්‍යාපෘතිය සඳහා මහ භාණ්ඩාගාරයෙන් මුල්‍ය ප්‍රතිපාදන වෙන් නොකිරීම විශේෂත්වයක් වෙයි.

මේ අනුව එම ප්‍රදේශයේ පුද්ගලයන්ට අහිමි වන දේපළ වෙනුවෙන් වන්දි සහ නිවාස ලබා දීමට කඩිනම් පියවර ගන්නා ලෙස නිලධාරීන්ට උපදෙස් ලබාදී ඇත.

Related posts

බාලිකා විද්‍යාලයකට බලෙන් ඇතුළු වීමට ගිය සිසුන් පිරිසක් පොලිස් බාරයට

colombotoday

මහජන ආරක්‍ෂක අමාත්‍යාංශ ලේකම් සහ පොලිස්පති ධුරවලින් ඉවත් කිරීමට යයි

colombotoday

විනය පරීක්ෂණයට සුජීවගෙන් හා අජිත්ගෙන් පිළිතුරු

colombotoday

මාළිගාවත්තේ පාසලකට මැදපෙරදිග රටකින් කෝටි 25ක්.. සල්ලිවලට වෙච්ච දෙයක් නැතිලු !

colombotoday

ව්‍යවස්ථා සංශෝධනයට සමගි ජන බලවේගයේ යෝජනා කෙටුම්පත කතානායකට

colombotoday

ජනපතිතුමනි කයිවාරුව ඇති.. දැන් ඉතින් වැඩ පෙන්නන්න – විමල් ජනපතිට ලියයි

colombotoday