ඉන්දීය අගමැති නරේන්ද්‍ර මෝදි මහතා පසුගිය නත්තල් දිනයේ පාකිස්‌තානයේ ලාහෝර් නුවරට පැමිණීම දැඩි අවදානම් ක්‍රියාවක්‌ බව ඉන්දීය ආරක්ෂක විශේෂඥයෝ ප්‍රකාශ කර සිටිති. මෝදි මහතා ලාහෝර්හි අලාමා ඉක්‌බාල් ගුවන් තොටුපළට පැමිණි අවස්‌ථාවේ සම්මාන මුරය පැවැත්වීමට සූදානම්ව සිටියේ පාකිස්‌තානයේ ගුවන් හමුදා භටයන්ය.
එහෙත් එම ගුවන් හමුදා භටයන්ගේ අවිවල බයිනෙත්තු තිබෙනු දුටු මෝදිගේ ආරක්‌ෂකයන්ගේ ඇඟ කිළිපොළා ගිය බව වාර්තා විය. මෝදි ලාහෝර් වෙත පැමිණියේ සන්ධාන පිළිවෙත්වලට පටහැනිවය. වසර ගණනාවකට පෙර ඉන්දු ලංකා ගිවිසුම අත්සන් කිරීමට පැමිණි අගමැති රජීව් ගාන්ධිට ආචාරය පුදකිරීම සඳහා පැමැණි අවස්‌ථාවේ නාවික හමුදා භටයකු සිය බයිනෙත්තුව සවිකළ අවියෙන් ප්‍රහාරයක්‌ එල්ල කිරීමේ සිද්ධිය මෝදිගේ ආරක්‌ෂකයන්ට සිහිපත්විය.
නරේන්ද්‍ර මෝදි පාකිස්‌තාන ගුවන් හමුදා භටයන් අසලින් යනු දුටු ආරක්‌ෂකයෝ දැඩි භීතියට පත්ව සිටියහ.
මෝදි අසලින් පාකිස්‌තානයේ අගමැති නවාස්‌ ශරීප්ද ගමන් කිරීමද විශේෂ සිද්ධියක්‌ විය.