මියන්මාරයේ රාඛීන් ප්‍රාන්තයේ රොහින්ග්‍යා මුස්ලිම් ගම්මානවලින් 40%ක් පමන මේ වන විට හමුදාව යටතට ගෙන ඇති බව මියන්මාර් රජයේ ප්‍රකාශකයෙකු උපුටා දක්වමින් ජාත්‍යන්තර මාධ්‍ය වාර්තා කර තිබේ.
ඉස්ලාමීය ත්‍රස්තවාදීන් සොයා ගම්මාන 471ක් ඉලක්ක කරගනිමින් පසුගිය අගෝස්තු මාසයේ විශේෂ හමුදා මෙහෙයුමක් ආරම්භ වුණු අතර මේ වන විට එයින් ගම්මාන 176ක් සම්පූර්ණයෙන්ම හමුදාව යටතට ගෙන ඇත. තවත් ගම්මාන 32ක් ඉලක්ක කරගනිමින් හමුදා මෙහෙයුම් අඛණ්ඩව ක්‍රියාත්මක වේ.
මේ වන විට තුන්ලක්ෂ හැත්තෑදහසක් පමණ රොහින්ග්‍යා මුස්ලිම් පිරිසක් දේශසීමා හරහා බංග්ලාදේශයට ඇතුළු වී තිබෙන බවද එම මාධ්‍ය වාර්තා පවසයි.
ලබන සතියේ පැවැත්වෙන එක්සත් ජාතීන්ගේ මහා මණ්ඩල සමුළුවට මියන්මාර් නායිකා, නොබෙල් සාමා ත්‍යාගලාභී අවුන් සාන් සූ කී සහභාගී නොවන බවත්, ඒ වෙනුවට මියන්මාර නියෝජ්‍ය අගමැතිවරයා සහභාගී වනු ඇති බවත් මියන්මාර රජයේ ප්‍රකාශකයා උපුටා දක්වමින් විදෙස් මාධ්‍ය වැඩිදුරටත් වාර්තා කර තිබේ.
