දක්ෂිණ අධිවේගී මාර්ගයේ කුරුඳුගහ සහ වැලිපැන්න අතර ප්‍රදේශයේදී ඊයේ (09)දින සවස සහ අද (10) අලුයම කන්ටේනර් රථයක් සහ තෙල් බවුසරයක් ගිනි ගැනීමට ලක්ව තිබුණි.
කොළඹ සිට ගාල්ල දෙසට ධාවනය වූ කන්ටේනර් රථය ඊයේ සවස ගිනිගෙන තිබුණේ දක්ෂිණ අධිවේගී මාර්ගයේ වැලිපැන්න සහ කුරුඳුගහ ප්‍රවේශ මාර්ග අතර 62 කිලෝමීටර් කණුව ආසන්නයේදී ය.
පසුව දක්ෂිණ අධිවේගී මාර්ගයේ පොලීසිය මැදිහත්ව ගින්න පාලනයකර තිබේ.
එමෙන්ම තෙල් බවුසරයක් ගිනිගෙන ඇත්තේ අද (10)දින අලුයම් කාලයේදී ය.
ගින්නෙන් තෙල් බවුසරය සම්පූර්ණයෙන්ම විනාශ වී ඇති අතර ගින්න නිවීම සඳහා අධිවේගී මාර්ග පොලීසිය දැඩි පරිශ්‍රමයක් දැරු බව වාර්තාවේ.