රාත‍්‍රි කාලයේ අනවසරයෙන් නිවසකට ඇතුළුවී බාල වයස්කාර දැරියකට බරපතළ ලිංගික අපයෝජනයක් සිදු කළා යැයි සැකපිට අධිකරණය හමුවට පමුණුවනු ලැබූ 28 හැවිරිදි තරුණයකු රක්‍ෂිත බන්ධනාගාර ගත කරන ලෙස කළුතර වැඩබලන මහෙස්ත‍්‍රාත් ශ්‍යාමලී යාපා මහත්මිය නියම කර තිබේ. මෙසේ රක්‍ෂිත බන්ධනාගාරයට නියම වූයේ මාතර පදිංචිකරුවෙකි.
10 වැනි වසරේ සිසුවියක වන දැරිය අසල්වැසි නිවසෙක සේවය සඳහා පැමිණ සිටි සැකකාර තරුණයෙකු සමග පේ‍්‍රම සම්බන්ධයක් ඇති කරගෙන තිබූ බවත් ඔහු පිළිබඳව සොයා බැලූ දෙමාපියන් ඊට අකමැත්ත පළකර ඇති බවත් පොලිස් පරීක්‍ෂණ වලදී අනාවරණය වී තිබේ.
මේ අතර දිනෙක රාත්රියේ අවදිවූ මව බාල දරුවාට කිරි සාදා දීම සඳහා සූදානම්ව බැලූවිට යාබද කාමරයේ යහන මත දියණිය හා සැකකරු සිටිනවා දැක ඒ පිළිබඳව පොලිස් හදිසි ඇමතුම් අංශයට (119) දැන්වීමෙන් පසු පොලිසිය පැමිණ ඔහු අත්අඩංගුවට ගෙන ඇතැයි පොලිසිය ඉදිරිපත් කළ වාර්තාවේ වැඩිදුරටත් සඳහන්.