මුතුරාජවෙල ප්‍රදේශයේ අධිවේගී මාර්ගය අසල කැලෑ පෙදෙසක් තුල සිදු කරන ලද සෝදිසි මෙහෙයුමකදී ඉතා රහසිගතව පවත්වාගෙන ගිය නීති විරෝධී (ස්ප්‍රීතු) කසිප්පු නිෂ්පාදනාගාරයක් වටලා කසිප්පු මිලි ලීටර 4000 ක් සමග සැකකරුවකු අත්අඩංගුවට ගෙන තිබේ.
මෙම මහා පරිමාණ කසිප්පු නිෂ්පාදනාගාරය සඳහා යොදාගත් දඟර හා බැරල් ඇතුළු උපකරණ රැසක් භාරයට ගැනීමට සුරාබදු නිළධාරීන්ට හැකි වී ඇති අතර ඒවායේ වටිනාකම රුපියල් ලක්ෂ දෙකක් ( 200,000/= ) පමණ වන බවයි සුරාබදු නිළධාරීන් පවසා සිටියේ.
අත්අඩංගුවට ගත් සැකකරු වයස අවුරුදු 58ක් පමණ වන, රාගම ප්‍රදේශයේ පදිංචි පුද්ගලයකු වන අතර ඔහු සුරාබදු ඇප මත මුදා හැර ඇති අතර ඔහුට එරෙහිව වැලිසර මහේස්ත්‍රාත් අධිකරණයෙහි නඩු පැවරීමට නියමිතයි.