Colombo Today Local News

ෂාෆි පිළිබඳ විමර්ශන නිසා ජීවිත තර්ජන එල්ල වෙලා – කුරුණෑගල රෝහලේ නි. අධ්‍යක්‍ෂ පොලිස් ආරක්‍ෂාව ඉල්ලයි

කුරුණෑගල ශික්‍ෂණ රෝහලේ වෛද්‍ය ෂාෆි ෂෙහාබ්දීන් සම්බන්ධයෙන් සිදුකෙරෙන විමර්ශනත් සමග තම ජීවිතයටද තර්ජනයක් එල්ල වී ඇති බවත් එම නිසා තමාට පොලිස් ආරක්‍ෂාව ලබාදෙන ලෙසත් ඉල්ලමින් කුරුණෑගල ශික්‍ෂණ රෝහලේ නියෝජ්‍ය අධ්‍යක්‍ෂ චන්දන කඳන්ගමුව මහතා ඊයේ (14දා) කුරුණෑගල මූලස්ථාන පොලිසියට පැමිණිලි කර ඇත.

ෂාෆි වෛiවරයා සම්බන්ධයෙන් සිදුකෙරෙන විමර්ශනවලදී රෝහලේ නි. අධ්‍යක්‍ෂවරයා අපරාධ පරීක්‍ෂණ දෙපාර්තමේන්තුවේ සහකාර පොලිස් අධිකාරි බී. එස්. තිසේරා මහතාගේ පවුලේ තොරතුරු දැනගෙන ඒ සම්බන්ධයෙන් හෙළිකර ඇතැයි පවසමින් තිසේරා මහතාද පොලිසියට පැමිණිලි කර ඇත.

ඒ සම්බන්ධයෙන් වාර්තා පළවීමත් සමග තමාගේ නිවස අසල සැකකටයුතු පුද්ගලයන් කිහිප දෙනකු ගැවසී ඇති බවත්, සැකකටයුතු යතුරුපැදි තමා පිටුපස පැමිණෙන බවත් පවසමින් රෝහලේ නියෝජ්‍ය අධ්‍යක්‍ෂවරයා පොලිසියට පැමිණිලි කළ බව නීතිඥ චානක අබේවික‍්‍රම මහතා ඊයේ (14දා) පැවැසීය.

මෙවැනි සිදුවීම් නිසා තම ජීවිතයට තර්ජනයක් එල්ල වී තිබෙන බවත් එම නිසා බාධාවකින් තොරව තම රාජකාරි කරගෙන යාමට හැකි ආකාරයෙන් පොලිස් ආරක්‍ෂාවක් ලබාදෙන ලෙස පොලිසියෙන් ඉල්ලා සිටි බවද කුරුණෑගල රෝහලේ නියෝජ්‍ය අධ්‍යක්‍ෂවරයා කීය.

වෛද්‍යවරයා සමඟ නීතිඥවරුන් වන ඉන්ද්‍රසිරි සේනාරත්න, සමන් දිසානායක, නිලූක්‍ෂි උයන්වත්ත යන මහත්ම මහත්මීන්ද පැමිණිලි කිරීම සඳහා පොලිස් ස්ථානය වෙත ගොස් ඇත.

Related posts

විකට නළු බන්දුට ඉතාලියේ තනතුරක්

colombotoday

විදුලිය කැපෙද්දී ලාම්පුත් ගණන් උස්සයි

colombotoday

කටුනායකට ආ ගුවන් යානයක් මත්තල වී ගබඩාවට හරවා යවයි.

colombotoday

විශ්වාසභංගෙට පක්ෂවුවහොත් පසුදින අත්වෙන ඉරණමට සූදානම් වෙන්න – එජාපයෙන් අනතුරු ඇගවීම්

colombotoday

ජනතාවගේ මූණ දැක්කාම මට ඔක්සිජන් ලැබෙනවා – සජිත්

colombotoday

ව්‍යාපාරිකයෙකුගේ නිවසකට පැන ගිනි අවියක්, ඩොලර් 6,000ක් ඇතුලු කෝටි ගානක් කොල්ල කාලා

Admin