රේගු අධ්යක්ෂ ජනරාල් පී.එස්.එම්. චාල්ස් සහ මුදල් ඇමති මංගල සමරවීර අතර සිදුවූ සාකච්චා සාර්ථක වී තිබෙන බව වාර්තා වෙනවා. ඒ අනුව මාස කිහිපයක් ඇතුලත රේගු අධ්යක්ෂ ජනරාල් ධූරය හා සමාන වෙනත් රැකියාවක් ලබාදීමේ පොරොන්දුව මත රේගු අධ්යක්ෂ තනතුරෙන් ඉවත්ව යාමට චාල්ස් මහත්මිය කැමැත්ත පලකල බව දැනගන්නට ඇත.
ඒ අනුව පී.එස්.එම්. චාල්ස් මහත්මිය නැවත සේවයේ පිහිටුවන ලෙස ඉල්ලමින් රේගු වෘත්තීය සමිති සන්ධානය ගෙනගිය රේගු වෘත්තීය ක‍්‍රියාමාර්ගය හෙට අවසන් කැරෙනු ඇති. ඉකුත් 30 වැනිදා ආරම්භ කළ අකුරට වැඩ කිරීමේ රේගු වෘත්තීය ක‍්‍රියාමාර්ගයට අදට දින හයක් ගතවේ.
කෙසේ වෙතත් කිසිදු හේතුවක් නොදක්වා ජාවාරම්කරුවන්ගේ බලපෑම් මත රේගු අධ්යක්ෂ ජනරාල් ධුරයෙන් ඉවත් කරන ලද චාල්ස් මහත්මිය නැවත සේවයේ පිහිටුවන තුරු මෙම වෘත්තීය ක‍්‍රියාමාර්ගය අඛණඩව කි‍්‍රයාත්මක කරන බව රේගු වෘත්තීය සමිති සන්ධානයේ උප ලේකම් සුදත් ද සිල්වා මහතා අද(3) පැවසීය.