ජනාධිපතිවරණයේ අපේක්ෂකයෙකුව සිටියදීත් රනිල් වික්‍රමසිංහ මහතා නත්තල් සීයා කෙනෙකු මෙන් ජනතාවට සහනාධාර බෙදමින් පසුවෙන බව සමඟි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා පැවසුවේය.
රනිල් වික්‍රමසිංහ මහතා විසින් නිකුත් කළ ගැසට් නිවේදන තුනක් නැවත කැඳවීමට සිදුවුවත් ඔහු නැවත වතාවක් වතු කම්කරුවන්ගේ වැටුප් වැඩිකරන බව ප්‍රකාශ කර තිබෙන බවයි මන්ත්‍රීවරයා කියාසිටියේ.
මේ හරහා මැතිවරණය මූලික කරගනිමින් සාධාරණ මැතිවරණයක් පැවැත්වීමට තිබෙන අවකාශය අහිමිකරමින් ජනතාවට අල්ලස් ලබාදෙන්න ජනාධිපතිවරයා කටයුතු කර තිබෙන බවටයි ඔහු චෝදනා කළේ.
ජනාධිපති රනිල් වික්‍රමසිංහ මහතා විසින් ජනතාවට කුමන බලපෑමක් සිදුකළද සජිත් ප්‍රේමදාස මහතා මෙවර ජනාධිපතිවරණයේදී නියත වශයෙන්ම
ජයග්‍රහණය කරන බවද අත්තනායක මහතා අවධාරණය කළේය