අග්‍රාමාත්‍ය රනිල් වික්‍රමසිංහ මහතා ජපාන පාර්ලිමේන්තුව අද (06දා) අමතනු ලැබීය. ඒ අනුව ජපාන පාර්ලිමේන්තුව ඇමතූ තෙවැනි රාජ්‍ය නායකයා වශයෙන් අග්‍රාමාත්‍ය රනිල් වික්‍රමසිංහ මහතා ඉතිහාසයට එක්විය. ඔහුට පෙර ඇමෙරිකා ජනාධිපති බැරැක් ඔබාමා හා ඉන්දීය අග්‍රාමාත්‍ය නරේන්ද්‍ර මෝදි ජාපාන පාර්ලිමේන්තුව අමතනු ලැබීය.නව මාවතක ගමන් කරමින් සිටින ශ්‍රී ලංකාවේ ආයෝජනය කිරීම සඳහා ඉදිරිපත් වන්නැයි, අග්‍රාමාත්‍ය රනිල් වික්‍රමසිංහ මහතා ජපාන පාර්ලිමේන්තුව අමතමින් කියා සිටියේ ය.
අග්‍රාමාත්‍යවරයා පැවසුවේ, ශ්‍රී ලංකාව ජපානය සමග දිගු කාලීන මිත්‍රත්වය ශක්තිමත් කර ගැනීමට සූදානම් බව ය.
විද්‍යා හා තාක්ෂණ සබඳතා තරකර ගනිමින් ආර්ථික සංවර්ධනයක් කරා රට ගෙන යාමට ජපානය සමග එක්වීමට සූදානම් බව ද අග්‍රමාත්‍යවරයා මෙහිදී ප්‍රකාශ කර තිබේ.