මහ බැංකු බැඳුම්කර කොල්ලය ඇතුළුව රනිල් වික්‍රමසිංහ මහතා අගමැති ධුරයේ කටයුතු කළ කාල සීමාව තුළ ආණ්ඩුවේ සිදුවූ වංචා, දූෂණ සහ අක්‍රමිකතා පිළිබඳ සෙවීමට ජනාධිපති කොමිසමක් පත් කිරීමට කටයුතු කරන බවත්, ඒ හරහා ඔවුන්ගේ තවත් වංචා – දූෂණ සහ අක්‍රමිකතා රැසක් රටේ ජනතාවට අනාවරණය වනු ඇති බවත්, ජනාධිපති මෛත්‍රිපාල සිරිසේන මහතා විදෙස් ජනමාධ්‍යවේදීන් හමුවේ පවසා තිබේ.
ඊයේ (25දා) ජනාධිපති නිල නිවෙසේදී විදෙස් ජනමාධ්‍යවේදීන් සමඟ පැවැති සාකච්ඡාවේදී ජනාධිපතිවරයා සඳහන් කර ඇත්තේ කිසිදු හේතුවක් නිසා රනිල් වික්‍රමසිංහ මහතා නැවත අගමැති ධුරයට පත් නොකරන බවත්, එය මේ වන විට තමන් එජාපයට පැහැදිලිව ප්‍රකාශ කර තිබෙන බවත්ය.