බෝම්බ පිපිරවීමට යොදාගන්නා ඩෙට්කොඩ් වයර් තොගයක් සමග පුද්ගලයෙකු මුලතිව් පුදුමාතල් ප්‍රදේශයේදී අත්අඩංගුවට ගෙන ඇති බවට මුලතිව් පොලීසිය පවසයි.
මුලතිව් පොලිස් නිලධාරීන්ට ලද තොරතුරකට අනුව එහි නිලධාරීන් පිරිසක් විසින් පුදුමාතලන් ප්‍රදේශයේ නිවසක් පරික්ෂා කිරීමේදී අදාල සැකකරු සඟවා තිබූ ඩෙට්කොඩ් වයර් අඩි 20 ක් සමග තවත් පුපුරණ ද්‍රව්‍ය තොගයක් තිබී හමු වූ බවට පොලීසිය පවසයි.
අදාල පුපුරණ ද්‍රව්‍ය සඟවාගෙන සිටීම සමබන්ධයෙන් මේ වන විට ප්‍රශ්න කිරීම් සිදු කරන අතර ඔහු පුදුමාතලන් ප්‍රදේශයේම පදිංචි 27 හැවිරිදි අයෙකු වන අතර සැකකරු මුලතිව් මහෙස්ත්‍රාත් අධිකරණය වෙතට ඉදිරිපත් කිරීමටද පියවර ගෙන ඇති බවට පරික්ෂණ සිදුකරන මුලතිව් පොලීසිය වැඩි දුරටත් පවසයි.