පොලිස් දෙපාර්තමේන්තුව සහ ජාතික මාධ්‍ය මධ්‍යස්ථානය ආරක්ෂක අමාත්‍යංශයට පවරා ගනිමින් අමාත්‍යංශවල විෂය පථය සඳහන් ගැසට් නිවේදනය ප්‍රකාශයට පත්කර තිබේ.
මීට පෙර ද පොලිස් දෙපාර්තමේන්තුව ආරක්ෂක අමාත්‍යංශය යටතේ පැවැති අතර පසුව හිටපු ජනාධිපති මහින්ද රාජපක්ෂ මහතා පොලිස් දෙපාර්තමේන්තුව නීතිය හා සාමය අමාත්‍යංශය යටතට පැවරීය.
මෙම අලුත් ගැසට්ටුව මගින් පොලිස් දෙපාර්තමේන්තුව යළිත් වරක් ආරක්ෂක අමාත්‍යංශය යටතට පත් කර තිබේ. ආරක්ෂක අමාත්‍යවරයා වන්නේ ද ජනාධිපති මෛත්‍රීපාල සිරිසේන මහතාය.
ජාතික මාධ්‍ය මධ්‍යස්ථානය ද පසුගිය දිනවල ලොකු කතා බහකට ලක්විය. නව රජය බලයට පත්වීමෙන් පසු පිරිසක් ඊට කඩා වැදී සේවකයන්ට දොස් නගා තිබිණි.