World

පවුලේ අය, හිතමිතුරන් වැළඳගැනීමට නොහැකිද? එහෙනම් ගසක් වැළඳගන්න

කොවිඩ් හේතුවෙන් එකිනෙකාගෙන් හැකිතරම් දුරින් සිටින ජනතාවගේ මානසික සුවය ඇති කිරීම සඳහා ඊශ්‍රායලයේ සංවිධානය කර තිබූ අපූරු වැඩසටහනක් කාගෙත් අවධානය දිනා ගැනීමට සමත්වී තිබේ.

එම කටයුත්ත නම්කර ඇත්තේ, “ගසක් වැළඳගන්න” ලෙසය.

කොවිඩ් වසංගතය හේතුවෙන් සමාජ දුරස්ථකරණය දිරිමත් කිරීමට ලෝකයේ සියලූම රටවල් පාහේ මේවනවිට විවිධ පියවර ගනිමින් සිටී.

මෙවන් පසුබිමක සිය පවුලේ සාමාජිකයින්, ළබැඳියන් හා හිතමිතුරන් වැළඳගැනීමට පවා නොහැකිව මානසික පීඩාවට පත්ව ඇති ජනතාවට අස්වැසිල්ලක් වීමට ඊශ්‍රායල ස්වභාවික හා උද්‍යාන අධිකාරිය කටයුතු කළේය.

පවුලේ අය, හිතමිතුරන් වැළඳගැනීමට නොහැකිද? එහෙනම් ගසක් වැළඳගන්න., මෙය ඊශ්‍රායල ස්වභාවික හා උද්‍යාන අධිකාරියේ අලුත්ම පණිවිඩය විය.

වඩාත් අප්‍රියජනක කොරෝනා කාලසීමාවේ ජනතාව සොබාදහමට වඩාත් සමීප කරවීමේ අරමුණින් මෙම වැඩසටහන ක්‍රියාවටනැංවූ බව එම අධිකාරිය වැඩිදුරටත් පවසයි.

ටෙල් අවීව් නුවර උද්‍යානයක පැවැති ගස් වැළඳගැනීමේ, අපූරු වැඩසටහන සඳහා සැලකිය යුතු පිරිසක් එක්ව සිටියා.

ගතවූ මැයි මාසයේදී කොවිඩ් ව්‍යාප්තිය තරමක් පාලනය කිරීමට ඊශ්‍රායල රජය සමත්වුණා. මේ දක්වා එරටින් කොරෝනා ආසාදිතයින් 42,360 වාර්තා වී ඇති අතර පුද්ගලයින් 371ක් දෙනෙක් මියගොස් තිබේ.

පසුගිය සති කිහිපයේදී නැවතත් කොවිඩ් පැතිරයාමේ වර්ධනයක් එරටින් වාර්තා වීමත් සමගම මුඛ ආවරණ අනිවාර්ය කිරීම හා පුද්ගල හමු අවමකරන ලෙස රජය ජනතාවට දන්වා සිටී.

Related posts

වාසනාව ලැබෙතැයි සිතා ගුවන් යානයේ එන්ජිමට කාසියක් විසි කරලා

colombotoday

ඇමරිකාව එක්සත් ජාතීන්ගේ මානව හිමිකම් කවුන්සිලයෙන් ඉවත්වෙයි

colombotoday

රුසියාව ශීත සෘතුවේදී යුක්‍රේනයම අඳුරු කරයි… ජනතාව දැඩි පීඩාවට

Admin

සටන් විරාමයට දෙවියන්ට ස්තූති කරමින් සතුට සැමරු ගාසා වැසියෝ

colombotoday

ඊශ්‍රායල හමුදාව සහ හමාස් රොකට් වෙඩි හුවමාරුවක් සමඟ අලුත් අවුරුද්ද සමරයි

colombotoday

ශිෂ්‍යභට උපාධි ප්‍රදානෝත්සවයකට ඩ්‍රෝන ප්‍රහාරයක් – සිරියාවේ 100ක් මරුට

Admin