දෙවනවර ජනාධිපතිවරණය ජය ගැනීම සඳහා අමෙරිකානු ජනාධිපති ඩොනල්ඩ් ට්‍රම්ප් චීන ජනාධිපති ෂී ජිං පිංගේ සහය ලබාගැනීමට උත්සාහ කළ බව අමෙරිකානු හිටපු ආරක්ෂක උපදේශක ජෝන් බෝල්ටන් අනාවරණය කර තිබේ.
ඔහු විසින් රචිත නවතම ග්‍රන්ථතයකින් මේ බව අනාවරණය කර ඇති බව විදෙස් වාර්තා සඳහන් කළේය.
කෘෂිකර්මාන්තය ආශ්‍රිත රැකියාවල නිරත පිරිස් මැතිවරණයේදී තීරණාත්මක සාධකයක් වන බැවින් අමෙරිකාවේ කෘෂි නිෂ්පාදන වැඩි වශයෙන් මිලදී ගැනිමට පියවර ගන්නා ලෙස ජනාධිපති ට්‍රම්ප් චීන ජනාධිපතිවරයාගෙන් ඉල්ලීමක් කළ බව ද ජෝන් බෝල්ටන් අනාවරණය කර තිබේ.
පිටු 577කින් සමන්විත ජෝන් බෝල්ටන්ගේ එම ග්‍රන්ථය ලබන 23වන දා නිකුත් විමට නියමිතව තිබේ.
හිටපු රාජ්‍යතාන්ත්‍රික නිලධාරියෙකු වූ ජෝන් බෝල්ටන් අමෙරිකාවේ 27 වන ආරක්ෂක උපදේශක ලෙස 2018 වසරේදී පත් වූ අතර වසරක පමණ කාලයක් ඔහු එම ධුරයේ කටයුතු කළේය.