පක්ෂ දෙකක සිටියත් එකට වැඩ කරන බව විදහා දැක්වීමට එළ හරකෙක් සහ මී හරකෙක් එකට ඈදා සී සෑමට ගත් අපූරු උත්සාහක් ගැන පුවතක් ඇලහැර ප්‍රදේශයෙන් වාර්තා වනවා.
මෙම අපූරු වප් මගුල සංවිධානය කර තිබෙන්නේ ඇලහැර ගඟේ යාය නම් වෙල් යායේදීයි. පක්ෂ දෙක සංඛේතවත් කිරිම සදහා නිල් හා කොළ සැරසිලි එකට මසා එම ස්ථානය සැරසීමටද සංවිධායකයින් කටයුතු කර තිබුණේ පක්ෂ දෙකේ සමගිය සංඛේතවත් කිරීමටයි.
නමුත් අවාසනාවකට එළ හරකා සහ මී හරකා දෙපැත්තට ඇදීම නිසා සී සෑම කටයුත්ත අසාර්ථක වී තිබෙන්නේ එළ හරකයි මී හරකයි එක බානක තබා සී සෑමට බැරිය, යන ගැමි වහර සත්‍යයක් බවට පසක් කරමින්. එම නිසා එළ, මී බාන වෙනුවනට සී සෑම සදහා අත් ට්‍රැක්ටරයක් යොදා ගැනීමට සංවිධායකයන්ට සිදුව තිබෙනවා.
ඡායාරූප – නෙත් FM
