Colombo Today Local News

කොළඹ වරායේ මහා පරිමාණ ඉඩම් ජාවාරමක්… චන්ද්‍රිකාට එරෙහිව පරීක්ෂණ කරන්නැයි අධිකරණය නියෝග කරයි

හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මියට එරෙහිව ගොනු වී තිබෙන බරපතළ චෝදනාවක් සම්බන්ධයෙන් අපරාධ පරීක්ෂණ දෙපාර්තමේන්තුව (රහස් පොලිසිය) අදාළ පරීක්ෂණ කටයුතු වසර 8ක පමණ කාලයක් තිස්සේ යටගසමින් තිබෙන නිසා මේ ගැන ජනාධිපති මෛත්‍රිපාල සිරිසේන මහතාට දැනුම්දීමට කටයුතු කරන බව ඒකාබද්ධ විපක්ෂයේ කොළඹ දිස්ත්‍රික් පාර්ලිමේන්තු මන්ත්‍රි ප්‍රජාතන්ත්‍රවාදී වාමාංශික පෙරමුණේ නායක වාසුදේව නානායක්කාර මහතා ප්‍රකාශ කළේය.

කොළඹ වරායේ මැරයින් සමාගම පෞද්ගලීකරණයට එරෙහිව තමා නඩු පැවරීමෙන් පසුව ශේ‍ර්ෂ්ඨාධිකරණය විසින් එම ව්‍යාපාරික ගිවිසුම අවලංගු කළ බවත් කොළඹ වරායේ අක්කර 6ක් ඉතා අඩු මුදලට ලබාදීම ඇතුළු මෙම ගනුදෙනුව සම්බන්ධයෙන් එවකට ජනාධිපතිනිව සිටි චන්ද්‍රිකා බණ්ඩාරනායක කුමාරතුංග මහත්මියට චෝදනා එල්ල වී තිබෙන බවත් වාසුදේව නානායක්කාර මහතා පෙන්වා දෙයි.

හිටපු ජනාධිපතිනි චන්ද්‍රිකා කුමාරතුංග මහත්මිය මෙම සිද්ධියට සම්බන්ධවීම ගැන පරීක්ෂණ කරන ලෙසට අධිකරණය රහස් පොලිසියට දැනුම් දී තිබියදීත් වසර 8ක් තිස්සේ රහස් පොලිසිය එම පරීක්ෂණ නිසි පරිදි සිදුනොකරන බවට නානායක්කාර මහතා චෝදනා නඟයි.

වර්තමානයේ පොලිස් දෙපාර්තමේන්තුව ජනාධිපතිතුමා යටතේ පවතින නිසා මෙම පරීක්ෂණ කටයුතු නිසි පරිදි කඩිනමින් සිදුකිරීමට අවශ්‍ය පියවර ගන්නා ලෙස ජනාධිපති මෛත්‍රිපාල සිරිසේන මහතාගෙන් ඉල්ලා සිටින බවද නානායක්කාර මහතා වැඩිදුරටත් ප්‍රකාශ කළේය.

– mawbima

Related posts

මතභේදාත්මක ත්‍රස්ත විරෝධී පනත අද පාර්ලිමේන්තුවට

Admin

හම්බන්තොට වරාය හෙට චීනයට.. මත්තල ගැනත් තීරණයක් ගනී !

colombotoday

එජාප පළාත් පාලන සභිකයින් 59කගේ සභික ධුරය අහෝසි

colombotoday

අලුත් ව්‍යවස්ථාව හදන්නේ පාදඩ NGO නඩයක්.. දුටු තැන පන්නා දැමිය යුතුයි – ඥාණසාර හිමි (Video)

colombotoday

පක්ෂ නායකත්වය ගැන විවේචන තිබෙනවා.. කියන්න තියන දේ අගමැතිට කිව්වා – හර්ෂ ද සිල්වා

colombotoday

TNA සහය රට බෙදීමට සහය වන අයටයි !

colombotoday