මෙරටින් වාර්තා වන කොරෝනා ආසාදිතයින් ගණන 2844ක් දක්වා ඉහළ ගොස් තිබේ.
ඒ ඊයේ (09) දිනයේ අලුතින් හඳුනාගැණුනු ආසාදිතයින් තිදෙනා ද සමගයි.
ඔවුන්ගෙන් එක් අයෙකු ඉන්දියා වේ සිට මෙරටට පැමිණ ඇති අතර අනෙක් ආසාදිතයින් දෙදෙනා සේනපුර පුනුරුත්තාපන මධ්‍යස්ථානයේ නිරෝධායනයට ලක්වෙමින් සිටින රැඳවියන් දෙදෙනෙකු බවයි රජයේ ප්‍රවෘත්ති දෙපාර්තමේන්තුව සඳහන් කළේ.
මේ වන විට මෙරට රෝහල්වල ප්‍රතිකාර ලබමින් සිටින කොරෝනා ආසාදිතයින් ගණන 254 කි.
සුවය ලැබූ රෝගීන් 2579 දෙනෙකු රෝහල්වලින් පිටව ගොස් තිබෙන බවයි වසංගත රෝග විද්‍යා අංශය සඳහන් කළේ.