උතුරු සහ දකුණු කොරියානු දේශ සීමා ආසන්නයේ පිහිටි ඒකාබද්ධ සම්බන්ධතා කාර්යාලය උතුරු කොරියාව විසින් පුපුරුවා හැර තිබේ.
දකුණු කොරියාවට එරෙහිව යුදමය ක්‍රියාමාර්ගයක් ගන්නා බවට උතුරු කොරියාව විසින් අනතුරු ඇඟවීම් නිකුත් කර පැය කිහිපයකට පසුව මෙම ප්‍රහාරය එල්ල වීම විශේෂත්වයකි.
උතුරු කොරියාව සහ දකුණු කොරියාව අතර සන්නිවේදන කටයුතු පහසු කිරීමේ අරමුණින් මෙම ඒකාබද්ධ කාර්යාලය 2018 වසරේදී ස්ථාපිත කෙරිණි.
කොවිඩ් වසංගත තත්ත්වය හේතුවෙන් එම කාර්යාලය ජනවාරි මස සිට වසා දමා තිබුණි.
පසුගිය සති කිහිපය පුරා දෙරට අතර දැඩි මතභේදකාරී තත්ත්වයක් හට ගෙන තිබේ.