යුද්ධයෙන් මියගිය පිරිස සැමරීම සඳහා ඊයේ (18 වැනිදා) උදෑසන මුලතිව් වෙල්ලමුල්ලිවයික්කාල් ප‍්‍රදේශයට පැමිණි උතුරු පළාත් සභාවේ හිටපු ප‍්‍රධාන ඇමැති සී.වී. විග්නේෂ්වරන්ට ආරක්ෂක අංශ විසින් අවසර ලබා නොදීම නිසා ඔහු බලාපොරොත්තු සුන්ව ආපසු ගොස් තිබේ.
විග්නේෂ්වරන් එම ස්ථානයට පැමිණි පසුව පොලිසිය පවසා ඇත්තේ එම ස්ථානයේ යුද්ධයෙන් මියගිය ගිය පිරිසක් සැමරීමට අවසර ලබා දී නොමැති බවයි.
විග්නේෂ්වරන් සමග තවත් පිරිසක් ද පැමිණි නිසා ඊට අවසර ලබා දීම කිසිසේත්ම කොරෝනා නීතිරීතිවලට ද පටහැනි බව පොලිසිය පවසා තිබේ.
මේ අවස්ථාවේදී පොලිසිය හා හිටපු ප‍්‍රධාන ඇමැතිවරයා අතර බහින් බස්වීමක් හා මත ගැටුමක් හටගෙන ඇතත් පොලිසිය හිටපු ප‍්‍රධාන ඇමැතිවරයාට යුද්ධයෙන් මියගිය පිරිස සැමරීම සඳහා අවස්ථාව ලබා දී නැත.
පසුව හිටපු ප‍්‍රධාන ඇමැතිවරයා එම ස්ථානයෙන් පිටත්ව ගොස් තිබේ.