කටුවාපිටිය දේවස්ථානයට මරාගෙන මැරෙන බෝම්බ ප්‍රහාරයක් එල්ල කල මොහොමඩ් හස්තුන් නැමැත්තාගේ බිරිඳ වන පුලස්තිනි මහේන්ද්‍රන් නොහොත් සාරා නැමැත්තිය ඉන්දියානු රෝ බුද්ධි අංශ ඔත්තුකාරියක් බව වාර්තා වෙනවා.
මේ පිළිබඳව ඊයේ (21) පැවති මාධ්‍ය හමුවකදී මාවනැල්ල බුදු පිළිම විනාශ කල පුද්ගලයින් බේරාගැනීම පිළිබඳව චෝදනා එල්ලවූ අසාද් සාලි ද මාධ්‍යයට පරකාශයක් සිදු කරන ලදි.
2019 අප්‍රේල් 21 පාස්කු ප්‍රහාරය පිළිබඳව සියලු තොරතුරු ඉන්දීය රජයට ලබා දී ඇත්තේ මෙම සාරා නමැත්තිය බවට දැන් සැක පලවී ඇති අතර ඉස්ලාම් ත්‍රස්තවාදීන් සහ ශ්‍රී ලංකා ආරක්ෂක අංශ අතර සයින්දමර්දු ප්‍රදේශයේ සිදුවූ ගැටුම අවස්ථාවේදී ඇය එම ස්ථානයෙන් මුදවාගෙන බෝට්ටුවක් හරහා ඉන්දියාවට ගෙන ගොස් ඇති බව මේ වන විට මාධ්‍ය වාර්තා පලවෙමින් පවතී. ඇයට පැන යාමට උදව් කිරීම සම්බන්දයෙන් පොලිස් පරීක්ෂක වරයෙක් ද මේ වන විට අත්අඩංගුවට පත්වී ඇත.
පුලස්තිනි මහේන්ද්‍රන් නොහොත් සාරා මඩකලපුව දිස්ත්‍රික්කයේ එරාවුර් ප්‍රදේශයේ කාන්තාවක් වන අතර අපොස උසස් පෙළ විභාගයට සුදානම් වන අවස්ථාවේදී එවක ශ්‍රී ලංකා තවුහිඩ් ජමාත් සංවිධානයේ මහ ලේකම් ලෙස කටයුතු කල අබ්දුල් රාසික් නැමැත්තා විසින් පැහැරගෙන විත් මොහොම්මුදු හස්තුන් නමැත්තාට මාලිගාවත්ත ප්‍රදේශයේදී විවාහ කර දුන් බවයි ඇයගේ මව කවිතා මහේන්ද්‍රන් සඳහන් කර සිටින්නේ.
තම දියණිය අබ්දුල් රාසික් විසින් පැහැරගෙන ගිය බවට පොලීසි ගණනාවකට පැමිණිලි ගණනාවක් කලද විදිමත් පරීක්ෂණයක් කර තම දියණිය ආපසු ලබා නොදුන් බවයි කවිතා මහේන්ද්‍රන් මහත්මිය සඳහන් කර සිටින්නේ.