සජිත් ප්‍රේමදාස මහතාට විපක්ෂ නායකකම ලබා නොදෙන්නේ නම් විකල්ප බලවේගයක් ගොඩ නැගිය යුතු බව එජාප සජිත් හිතවාදීන්ගේ අදහස වී තිබේ.
නැවත වරක් ජනතාව අතරට යා යුතු යැයි සජිත් ප්‍රේමදාස මහතාගේ ද අදහස් වී ඇති අතර, දිස්ත්‍රික් මට්ටමින් ‘ජන හමු‘ මාළාවක් පැවැත්විය යුතු යැයිද ඔහු ජනාධිපතිවරන මෙහෙයුම් කමිටුවට අදහස් දක්වා ඇත.
ඒ අනුව එළඹෙන මහමැතිවරණයට පෙර දිස්ත්‍රික්ක 22ක් ආවරණය කරමින් සජිත් ප්‍රේමදාස මහතාගේ ප්‍රධානත්වයෙන් ජන හමු 22ක් පැවැත්වීමට නියමිතය.
තිස්ස අත්තනායක මහතාද ජාතික පුවත්පතකට අදහස් දක්වමින් කියා සිටියේ එජාපය තුළින් විකල්ප පෙරමුණක් බිහි විමට බොහෝ දුරට ඉඩ ඇති බවයි.