නිෂ්පාදන පිරිවැය අධිකලෙස ඉහළ යාම හේතුවෙන් කඩිනමින් ජල ගාස්තු වැඩිවීමක් සිදුකිරීමට බලාපොරොත්තුවන බව ජාතික ජල සම්පාදන හා ජලාපවාහන මණ්ඩලයේ සභාපති කේ. ඒ. අන්සාර් මහතා පවසයි.
අන්සාර් මහතා වැඩිදුරටත් කියා සිටියේ 2012 වසරෙන් පසු ජල ගාස්තුවේ වැඩිවීමක් සිදුකර නොමැති බවත් ඉන්පසු කාලය තුළ ජල ඒ්කකයක නිෂ්පාදන වියදම ඉහළගොස් මේ වනවිට ජල ඒකකයක් පිරිපහදු කිරීම සඳහා මණ්ඩලයට රුපියල් 47ක් වැයවන බවත් ය. නමුත් ජල ඒකකයක් සඳහා පාරිභෝගිකයින්ගෙන් අයකරන්නේ රුපියල් 12ක් බවද ඒ මහතා පැවසීය.
මේ හේතුවෙන් නිෂ්පාදන පිරිවැයෙන් සියයට 25ක් පමණක් පාරිභෝගිකයන්ගෙන් අයකරන බවත් ජල ගාස්තු වැඩි කිරීම පිළිබඳ අමාත්‍යමණ්ඩල අනුමැතිය සඳහා අමාත්‍යමණ්ඩල අනුකමිටුවක් ද පත්කර ඇති බවත් අන්සාර් මහතා පැවසීය.
අමාත්‍ය මණ්ඩල අනුමැතිය ලබාගැනීමෙන් අනතුරුව අදාල ගාස්තු වැඩිවීම සිදුවන බව සභාපතිවරයා වැඩිදුරටත් පැවසීය.