බස්නාහිර, සබරගමුව, වයඹ, ඌව සහ උතුරු පළාත්වල ඇතැම් ස්ථානවලට මිලිමීටර් 100 ට වැඩි තද වැසි ඇතිවිය හැකි බව කාලගුණ විද්‍යා දෙපාර්තමේන්තුව පවසයි.
ඒ, ශ්‍රී ලංකාව ආසන්න පහළ වායුගෝලයේ කැළඹිලි ස්වභාවය තවදුරටත් පැවතීම හේතුවෙනි.
මේ අතර බදුල්ල, මහනුවර, කෑගල්ල, මාතර, මොණරාගල, නුවරඑළිය සහ රත්නපුර දිස්ත්‍රික්කවලට නිකුත් කළ නායයෑම් පිළිබඳ පූර්ව අනතුරු ඇඟවීම් නිවේදනය අද (02) පස්වරුව දක්වා ක්‍රියාත්මකයි.
අධික වර්ෂාවත් සමග වික්ටෝරියා, මාවුස්සැකැළේ, කාසල්රි ඇතුළු ජලාශ කිහිපයක වාන් දොරටු ද විවෘත කෙරුණි.