මීළඟ ජනාධිපතිවරණයෙන් ජනාධිපති මෛත්‍රිපාල සිරිසේන මහතාට ජයග්‍රහණය කල නොහැකි බව විපක්ෂ නායක, හිටපු ජනාධිපති මහින්ද රාජපක්ෂ පැවසූ බව දේශපාලන ක්ෂේත්‍රයේ ආන්දෝලනයක් ඇති වී තිබෙනවා.
හිටපු ජනපති පුත් රෝහිත රාජපක්ෂගේ විවාහ මංගල උත්සවය අවස්ථාවේදී නිමල් සිරිපාල සිල්වා මහතා මේ පිළිබඳව හිටපු ජනාධිපතිවරයාගෙන් විමසා ඇති අතර ඊට පිළිතුරු ලෙස “මෛත්‍රීට දිනන්න බෑ” යැයි පිළිතුරු ලබා දී ඇත.
ශ්‍රී ලංකා නිදහස් පක්ෂ ජාතික සංවිධායක දුමින්ද දිසානායක මහතා විසින් මීළඟ ශ්‍රීලනිප ජනාධිපති අපේක්ෂක ලෙස මෛත්‍රිපාල සිරිසේන ජනාධිපතිවරයාගේ නම යෝජනා කිරීමෙන් පසු “දේශපාලන අර්බුද නිර්මාණය නොකරන්න” යනුවෙන් නිමල් සිරිපාල සිල්වා හිටපු අමාත්‍යවරයා දුමින්ද දිසානායක මහතාට පැවසූ බව වැඩිදුරටත් වාර්තා වේ.