මේ වසරට අදාළව වෙන් කර ඇති ණය සීමාවට පරිබාහිරව තවත් රුපියල් බිලියන 310 ක ණයක් ලබාගැනීම සඳහා අවසර දීමේ යෝජනාවක් මුදල් අමාත්‍යාංශය විසින් පාර්ලිමේන්තුවට ඉදිරිපත් කර තිබේ. විසර්ජන පනතට ඇතුළත් කර තිබෙන ණය සීමාවට පරිබාහිරිව මෙම රුපියල් බිලියන 310 ක ණය ඉල්ලීම කර ඇත.
මෙම වසරට අදාළ වියදම් පියවා ගැනීම සඳහා මුදල් අමාත්‍යාංශය මෙම අමතර ණය මුදල ලබාගැනීමට සැලසුම් කර ඇති අතර ඒ සඳහා අමාත්‍ය මණ්ඩල අනුමැතියද හිමිව තිබේ.
අදාළ යෝජනාව ලබන 5 දා පාර්ලිමේන්තුවේදී සම්මත කරගැනීම සඳහා අමතර පරිපූරකයක් ලෙස පාර්ලිමේන්තු න්‍යාය පත්‍රයට ඇතුළත් කර ඇත.